كلش باتصالك واضح الصوت
بس مو واضحة كلش نبرتك
فرق كلش جبير ابين الاثنين
حرورة دمعي وبرودة ضحكتك
صوجك علمتني افتهمك بساع
تسكت وافتهم كلشي بنظرتك
فهمتك وانه كلبي يعجبك بهاي
صوتك يوصله حتى بسكتك
ولاتعتذر عذرك عندي مقبول
خلهه مساتره وهيج افتهمتك
بعد لازم وراي ارجع للاحلام
ارد امسح صور بيهن رسمتك
اجيت ابالي مرة وصدكت جاي
بجيت وشبكة مسودن شبكتك
شبعد عندك حجي وشرايد تكول
تريد تعوفني وصلت فكرتك
حبيبي اتدلل ادري تريدني انساك
عــــــــفوا قصدي تدلل حضرتك
عرفتك من ردت تحجيلي موضوع
حجيته وغلبت حروفك حسرتك
وعرفتك من حجيت بطاري الوداع
عرفتك يمكن تطول سفرتك
قفلت احلامي والخط بعده مفتوح
وكلتلي وياك أي كتلك سمعتك
ردتني او صف وكتهه احساسي وياك
وردت تعرف الحصلته بعشرتك
وبجيت وكتلك انته اتخيل اتكون
نص المعركة وتعثر مهرتك؟
على كل الخلص من عمري ندمان
وعلى كل الوصل منك شكرتك
واهي حيره من اودعك ارجع منين
والمن جايك والمن تركتك
من ارد للشمس هسه بعيني ماشوف
يليلي انسيتهه بكد ماسهرتك
انعم الله عليك كتلي وانه ممنون
منك على مجازاتي بعشرتك
وبعد ماتفرق انته تعود لو لا
على كل حال من عدهن خسرتك
بس مو واضحة كلش نبرتك
فرق كلش جبير ابين الاثنين
حرورة دمعي وبرودة ضحكتك
صوجك علمتني افتهمك بساع
تسكت وافتهم كلشي بنظرتك
فهمتك وانه كلبي يعجبك بهاي
صوتك يوصله حتى بسكتك
ولاتعتذر عذرك عندي مقبول
خلهه مساتره وهيج افتهمتك
بعد لازم وراي ارجع للاحلام
ارد امسح صور بيهن رسمتك
اجيت ابالي مرة وصدكت جاي
بجيت وشبكة مسودن شبكتك
شبعد عندك حجي وشرايد تكول
تريد تعوفني وصلت فكرتك
حبيبي اتدلل ادري تريدني انساك
عــــــــفوا قصدي تدلل حضرتك
عرفتك من ردت تحجيلي موضوع
حجيته وغلبت حروفك حسرتك
وعرفتك من حجيت بطاري الوداع
عرفتك يمكن تطول سفرتك
قفلت احلامي والخط بعده مفتوح
وكلتلي وياك أي كتلك سمعتك
ردتني او صف وكتهه احساسي وياك
وردت تعرف الحصلته بعشرتك
وبجيت وكتلك انته اتخيل اتكون
نص المعركة وتعثر مهرتك؟
على كل الخلص من عمري ندمان
وعلى كل الوصل منك شكرتك
واهي حيره من اودعك ارجع منين
والمن جايك والمن تركتك
من ارد للشمس هسه بعيني ماشوف
يليلي انسيتهه بكد ماسهرتك
انعم الله عليك كتلي وانه ممنون
منك على مجازاتي بعشرتك
وبعد ماتفرق انته تعود لو لا
على كل حال من عدهن خسرتك
