دارميات

___________________________
ارد اسال العاشاك وهل الشعر هم
ليش اليجرحة الشوك مايطلع الدم
___________________________
الخوة منبع طيب ونتة من اهلهه
واليزرع الطيبات يحصد مثلهه
_____________________________
تاجرت ما خليت وبلكشي خسران
بس خوة الطيبين بيه اني ربحان
___________________________
يا كلبي لو خاويت خاوي اليضل دوم
مو بس سنة او ينساك ويكتلك اللوم
__________________________
شارط شرط علروح ما تمل حبك
لو صرت هم تيزاب اعطش وشربك
_________________________
اجرحني هاك او شوف عاين عليه
ما يمشي دم بحشاي تمشي انته بيه
________________________
هاك الكلب والروح وعيوني اخذهن
دوم اللك مشتاكات خلصني منهن
_______________________
اصفن ادور النوم كون اغفة ونساك
تاليه صورة او صوت بحلامي الكاك
______________________
اسهر وعوف النوم وصبحلك عيون
يالبعقل موجود ناسينك شلون
_____________________
العين تمطر دمع ونتم عليهه ابعاد
والكلب شايل حزن يشبه حزن بغداد
____________________
مو قاسي حتة انساك ونكر معزتك
بس الوكت بذات شاغلني عنك
____________________