الحب الغامض

أگل للروح خل إنسجله غايب
أقنع ألروح شيقنع ألنواظــــر ؟؟؟

إذا لساع وجهك حاضن ألعين
شيشلعك نضر بالعين صاير

أسوي ألصفنه صف وأطبگ ألباب
وأسجلك غايب بدرس المشاعر

ومن تخلص صفنتي وأفتح ألباب
عله عتبة صفنتي ألگاك حاضر

مو سهله عليّ وأتعلم بســـــــاع
وعله فراگك أصير بسرعه شاطر

جرح بس إشمعزتك بين ألجروح
خاطر لاتذل ضلّيت أكـــــــــابر

گمت كل يوم اگولن باچر أنساك
ويجي باچر وأگولن گلت باچر !!!